[Cheat] Midtown Madness 3

玩o左幾日Midtown Madness 3，感覺真係唔錯。一直都希望可以玩到一隻遊車河o既遊戲，一邊駕駛住自己鍾意o既車，一邊欣賞城市風景。當然最好有香港哩個城市。

依家就等我講o下點樣可以用一o的「唔正當」o既方法去隻齊所有車（希望網站發起人唔好介意）。首先o係遊戲選擇畫面一直按下左類比掣（不是拉下），並輸入LRLLLRRRLLRR。如果成功的話就會見到右下角o既遊戲紀錄顯示有變化。

至於餘下兩台隱藏車，ASP及Serpent MK2，大家只要利用單人的Cruise模式同埋將Traffic轉到None，再用Koenigsegg CC去取得兩罐印有“????”o既油罐（一罐o係巴黎，一罐o係華盛頓）便可得到。為免使大家失去興趣，我唔會將“????”油罐o既地點講出（除非有人要求），等大家可以慢慢搵（再加上少少技巧），順便可以認o下路。

以上方法目的係為o左可以令大家盡快用手頭上o既車去收集所有油罐（即係車身顏色），令到當玩多人模式時更多變化（例如同組同色）。因為雖然玩多人模式時，所有車都可以被選擇，但係選擇顏色就必先要收集該車對應油罐，所以都唔算出貓，幫大家o者（大家可以開多一個Profile用上以上方法專用o黎玩多人模式，原本個Profile玩番單人模式）！